Bruna Pedemonte

Agon

O sciòu
giassòu
o conta i passi.

In ta luxe de pûa
i monti
se fan sibble néigre.

Intanto che o gramüsto
o brûxa a pélle
in te l’aia bambaxà
e
sbarlûssante,
sc’cianca o cheu
o crio do bosco
c’ o s’arende
a galaverna.

(gennaio 2011)

Agone Il fiato/ghiacciato/conta i passi.// Nella luce di polvere/i monti/si fanno sagome nere.// Mentre il nevischio(granuloso)/brucia la pelle/nell’aria ovattata/e/brilluccicante/ strappa il cuore/il grido del bosco/che si arrende/alla galaverna.

A e donne

E donne de pélle möa

son belle comme o sô .
Fan vegnî in cheu

a tæra,
o pan,
a mœ.

E donne de pélle ciæa,
son lêgie comme o tulle,
e oudôan
de sûccao de confittûa.

E donne riççe,
son nûvie de mouxi arriguelæ.

Quelle de cavelli driti,
sèa
c’a sguggia a e dìe.

Semmo belle
comme o çe
comme o monte
comme l’amê
comme o gran
comme o fén
comme l’ægua do riâ
comme föe do messìavo.

Semmo comme o mâ ciù fòndo

Intra noiatre nasce o mondo.

Alle donne Le donne di pelle mora/son belle come il sole/fan venire in mente/la terra/il pane/la madre//Le donne di pelle chiara/sono leggere come il velo di Tulle/e profumano/di zucchero di confetto//Le donne di ricce/sono nuvole di marosi avvoltolati//Quelle di capelli dritti/seta/che scivola alle dita.//Siamo belle/come il cielo/come il monte/come il miele/come il grano/come il fieno/come l’acqua del ruscello/come le favole del nonno.//Siamo come il mare più profondo//Dentro di noi nasce il mondo.

Da o treno

Streito in t’in canto de’n giardin
coscì piccin
che manco un pollin o se ghe mescia,
ti te stii,
cômme un mignin c’o s’adescia.

Storto e pure aggrassiou,
l’ægua a t’ha tinto a scorsa de möu.

E ramme pan dîe che ti porzi a o çe
e i to sciôi son unN-a promissa d’amê

Lampo de rêuza fiezzou da o barconìn,
ti me toccou o cheu
erboetto de perseghin!

Dal treno Stretto in un angolo di un giardino/cosi piccolo/ che neppure un pulcino ci si muove/ti stiri,/come un gattino che si sveglia//Storto, eppure aggraziato, /l’acqua t’ha tinto la corteccia di marrone scuro//I rami paiono dita che porgi al cielo/e i tuoi fiori sono una promessa di miele// Lampo di rosa fileggiato sfrecciando dal finestirno,/m’hai toccato il cuore alberello di peschine.

FIN D’ESTÆ

L’ombra da ramma in scia muagia
a l’è sempre ciù storta.

Fito saià l’oa da stiva
e da fœggia morta.

Comme strinzendo da renn-a
c’a sguggia da e dîe
tegno a mæ vitta pe’ a coa
ma o tempo o me rîe.

Ghigno o soriso?

Poriò lezilo in ta braxa
che a votte a me paxa.

FINE D’ESTATE L ‘ombra del ramo sul muro /è sempre più storta.//Presto sarà l’ora della stufa/e della foglia morta.//Come stringendo della sabbia /che scivola dalle dita/ tengo la mia vita per la coda/ ma il tempo ride//Ghigno o sorriso?// Potrò leggerlo nella brace/ che a volte mi rasserena.

Mazzo 2010

Spùssa de scāfātio
‘sta primavéja
che cêuve cêuve e cêuve
e no l’aciànta!

E sciôe son spêtene
comme scignôe appenn-a adésce,
l’aia a l’è crüa,
comme a scorsa de rôe,
e o ragno o no tésce.

Donde l’è o sô?

O cheû o l’è serrou
in te ‘na stansia sensa sciortia,
e se o no vegne ,
comme faiò
a derlenguà a malinconia?

Maggio 2010 Puzza di malconservato/questa primavera/ che piove piove e piove/e non la pianta!//I fiori sono spettinati /come signore appena sveglie/l’aria è cruda,/come la corteccia di rovere,/e il ragno non tesse.//Dov’è il sole?//Il cuore è chiuso/in una stanza senza uscita/e se non viene,/come farò/a sciogliere la malinconia?

Me vegne in cheu

Se zeuga ai cantoìn in scio portego
c’o l’è spassou da a tramontann-a
giacchè pe’ tӕra, nȗvie de sciou
fan fastidio i maggioìn
de lann-a

Tutto ’sto freido ne fa i roscetti
che pan pitè da’n meistro imbriego,
ne fan paèi bambocce e marionetti
e ciȗ ‘n po’ ne piggian fœgo.

Se sa, s’o l’è in ta demoa
un figgiêu o no sente ninte,
o l’è insuppou in to mondo da foa
donde son vee e cose finte.

Ma unn-a magia da o zeugo a te ne piggia
coscì potente da ghermine o cheu.
sospeixi imprixonè da na maaveggia,
co a bocca averta stan çinque figgiêu.

A le’ ‘na luxe che o tempo a l’ha fermou,
o l’è o respio de ‘na Zena dexembrinn-a,
c’a ne regalla un tramonto insanguinou
c’o risplende in te l’aia cristallinn-a.

Mi ricordo Si gioca ai cantoni nel porticato/che è spazzato dalla tramontana/giacche per terra nuvole di fiato/danno fastidio i maglioni di lana//Tutto questo freddo ci fa i pomelli alle gote/che sembrano dipinti da un mastro ubriaco/ ci fan sembrare bambole e marionette/ e di li a poco prendono fuoco//Si sa quando è nel gioco/un bambino non sente niente/è inzuppato nel mondo delle fiabe /dove son vere le cose finte//Ma una magia dal gioco ci distrae /così potente da ghermirci il cuore/sospesi imprigionati da una meraviglia/con la bocca aperta stanno cinque bambini//E’ una luce che ha fermato il tempo/ è il respiro di una Genova dicembrina/ che ci regala un tramonto insanguinato/ che risplende nell’aria cristallina.

Settembre

Seccan e lerfe a o meistrâ

O çe o l’è un veddro tûrchin
de lûmme antigo.

S’anneigra l’uga mérella
ammôia o figo.

Schitta o mæ tempo
comme un pescio in mâ.

Co e so tezûje rûzze
settembre o çimma a luxe
e o vento co a so voxe
mugugna ciàn ciànin.

Settembre Seccano le labbra al maestrale//Il cielo è un vetro turchino di lume antico///S’annerisce l’uva fragola/matura il fico//Guizza il mio tempo come un pesce in mare//Con le sue forbici arrugginite/settembre scorcia la luce/e il vento con la sua voce/mormora pian piano.

T’Æ FÆTO TUTTO TI

T’æ fæto tutto ti
“No s’acapimmo ciù”
e a mi
me vegne in cheu
o rie
che ti te ingambi
proprio lie
into mæximo
beuggio
o mæximo
schincapé
un rattaieu
de poule maxinæ.

Mòula de pan pöso

Unna pitansa
c’a spussa
de relento.

Avei raxon
no va unna mutta
e no ghe l’ò tutta
ma a testa rotta
in sette tocchi
a no l’è a mæ.

No
no ò montou scagno
t’æ fæto tutto ti

ma oua chiño.

Sciortiô da-a bratta
gianca comme neie

e o teu desprexo
me faià medaggia

perché inta gaggia
mi no te g’ò misso.

T’æ fæto tutto ti.

Ti
e a teu raggia.

Hai fatto tutto tu Hai fatto tutto tu// “Non ci capiamo più”// e a me// viene da ridere// che inciampi// proprio lì// nello stesso buco// lo stesso// inciampo// una trappola// di parole macinate.// Mollica di// pane raffermo// Una pietanza// che puzza// di rancido// Avere ragione// non vale un soldo// e non ce l’ho tutta// ma la testa rotta// in sette pezzi// non è la mia.// No// non sono montata in cattedra// hai fatto tutto tu// ma ora scendo.// Uscirò dal fango// bianca come neve// e il tuo disprezzo// mi farà medaglia// perché in gabbia// io non ti ci ho messo.// Hai fatto tutto tu.// Tu// e la tua rabbia.

Travaggio

Son figinn-a.
In ta ræ di ricordi
un garbüggiô
de bleu
giano
tûrchin.
O travaggio o no dev’ese cosa bonn-a:
o porta via o papà.
Da alôa
o loû
pe mi
o sa un pittin de benzinn-a.

Lavoro Sono bambina./ Nella rete dei ricordi/ un groviglio di blu / giallo/azzurro./Il lavoro non deve essere una buona cosa/ si porta via papà./ Da allora/il “lavoro”/per me/sa un po’ di benzina.

ZENÂ

Zenâ
giaminando
o guagnâ un gælo.

Scûo
ghe va contra
con brûzzi de Libeccio
e spertixi de nûvie.

Ma
no se fa
aberâ.

Camalando
a so corba de stecchi
s’aranpinn-a pe’ o sentê
intanto che
da e stacche beuggê
sgûggian
ciambrette de zeo.

2014

GENNAIO/Gennaio/ con gran fatica/ guadagna uno spicchio.//Buio/lo affronta/con muggiti di Libeccio/e furberie di nuvole//Ma/non si fa/ afferrare//Portando sulle spalle/la sua cesta di stecchi/s’arrampica per il sentiero/mentre/dalle tasche bucate/scivolano/lustrini di gelo.